Snake vs Mongoose Viral Video : साप आणि मुंगूस यांच्यातील नैसर्गिक वैर सर्वश्रुत आहे, आणि त्यांचे आमनेसामने येणे नेहमीच रोमहर्षक असते. अशीच एक दुर्मिळ घटना पटणा विमानतळाच्या रनवेवर घडली, जिथे तीन मुंगूसांनी एका सापाशी लढाई केली. या घटनाचा व्हिडिओ सध्या सोशल मीडियावर प्रचंड व्हायरल होत आहे.
पटणा विमानतळाच्या रनवेवर साप आणि तीन मुंगूस यांच्यात झालेल्या रोमांचक लढाईचा व्हिडिओ सध्या सोशल मीडियावर प्रचंड चर्चेत आहे. या व्हिडिओत, साप आणि तीन मुंगूस यांच्यात एक भयंकर सामना रंगला होता. या लढाईच्या दृश्यांनी लोकांच्या मनात उत्सुकता आणि भीती निर्माण केली आहे. सोशल मीडियावर या व्हिडिओला मोठ्या प्रमाणात शेअर केलं जात आहे, ज्यामुळे त्याला लाखो लोकांनी पाहिलं आणि प्रतिक्रिया दिल्या आहेत.
पटणा विमानतळाच्या रनवेवर झालेल्या भांडणाचा व्हिडिओ पाहून लोक आश्चर्यचकित झाले आहेत. व्हिडिओमध्ये सुरुवातीला एकच मुंगूस सापाशी सामना करतो, तर साप फणा काढून स्वतःचे रक्षण करताना दिसतो. काही वेळाने आणखी दोन मुंगूस प्रवेश करतात, ज्यामुळे लढाईचे गणित पूर्णपणे बदलते. मुंगूसांच्या सततच्या हल्ल्यामुळे साप चवताळून फणा उगारून प्रतिकार करण्याचा प्रयत्न करतो, पण मुंगूसांच्या हल्ल्यांसमोर तो कमी पडतो.
मुंगूस आणि साप यांच्या लढाईचा ३७ सेकंदांचा व्हिडीओ सध्या सोशल मीडियावर खूपच व्हायरल होत आहे, आणि लोक त्यावर अनेक कमेंट्स करत आहेत. काही मीडिया रिपोर्ट्सनुसार, हा व्हिडीओ तीन-चार दिवसांपूर्वीचा आहे आणि आता मोठ्या प्रमाणात व्हायरल झाला आहे.